عشان تنطبق عليك الغلاسة قم بالاتى
و انت بتتكلم مع أى شخص ، ماتبصش فى وشه أبدا .
· و انت بتتكلم مع أى شخص ، افضل مركز فى وشه اوى .
· طول ما أنت قاعد مع زمايلك فى الشغل ، صفر موسيقى نشيد بلادى بلادى.
· أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!! .
· فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرامعاه طبعا .
· اعزم ناس فى حفلات ناس تانيه "عيد ميلاد او خطوبه او فرح ..." .
· أول ماتشوف كيس كاتشب واقع عالأرض دوس عليه برجلك جامد و قول للى معاك "أنا كنت بشوفه فاضى و لا مليان" !!! .
· فى حفله عيد ميلادك أطلب من ال D.j أنو يشغل أغنيه دايماً دموع 18 مره ورا بعض .. "أنا بحب الأغنيه دى اوى يا جماعة " !! .
· لو واقف جنب حد بيعد فلوس و فى وسط ما هوا بيعد قول اى رقم عشوائى " 862 " .
· العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله " أنا شايف ان ده لون الحياه الحقيقى" !!! .
· غير القناه قبل نهايه الفيلم او الماتش او المسلسل بخمس دقايق .
· أضحك لواحده ماتعرفهاش فى الشارع وقولها بصوت عالى " ازيك .. عامله ايه؟!!! " .
أتمنى ان النصايح الغاليه دى تكون عجبتكم و ان شاء الله اشوف ردودكم الحلوه .
" بس بشرط ... من غير غلاسه وشكراااااا